Ibilbidea Orbaizetako Ola zaharrean hasten da, baso ederrez inguratutako leku historiko batean, Irati oihanaren atarian. Hasieran pista bat hartzen da, baina laster utzi eta mendiko bidezidorretan sartzen gara, poliki-poliki maldan gora, pagadi eta belardi artean.
Garaiera irabazi ahala, paisaia irekitzen doa, eta aztarna megalitikoak eta mendiko larre zabalak agertzen dira. Igoerak jarraitzen du Soroluze lepora heldu arte; bertatik Nafarroako Pirinioetara dagoen ikuspegia zabaltzen da. Hemendik aurrera, azken igoera hasten da Urkulu mendira (1.423 m), non erromatar garaiko dorre ospetsua dagoen, K.a. I. mendekoa.
Gailurrean bista ederrez gozatu ondoren, jaitsiera hasten da beste isurialdetik Arnostegi edo Bentarte leporantz, eta handik mendilerroetan barrena jarraitzen du ibilbideak. Nahi izanez gero, inguruko tontorrak igotzeko aukera dago, hala nola Txangoa edo Astobizkar, ibilbidean zehar igoera eta jaitsiera etengabeak eginez.
Amaieran, bidea Donejakue Bidearekin batzen da, Lepoederretik behera datorren zatian. Bide historiko honi jarraituz, bidezidorra pagadi eder batean barrena doa beherantz, eta azkenik Orreagara (Roncesvalles) iristen da, ibilbidearen amaiera puntura.
Mendi-ibilaldi oso interesgarria da, natura, historia eta paisaia ikusgarriak uztartzen dituena. Gutxi gorabehera 18 kilometroko ibilbidea da, desnibel nabarmenarekin (1050m), eta zailtasun ertaina har daiteke eta ez du zailtasun teknikorik.
Irteera: 7:30, Agoues biribilgunetik
