Pagoeta M.E.

Bazkide hori:

Irailaren 25ean ekingo diegu berriz hileroko emanaldiei. 

Zarauzko Kalapie taldeak antolatuta, Mikel Bringas etorriko zaigu Perun barrena egindako bizikleta-bidaiaren berri ematera. Munduko ibilbiderik onena? du izena bere aurkezpenak.

Honekin batera doakizun dokumentuan duzu informazio zehatzagoa.

Beti bezala, Pagoetaren aretoan elkartuko gara, 19:00etan.

Animatu!

Batzordea

Gogoratu egutegian 14a jarri arren, 21ean dela irteera.

Kilometroak: 13 km
Denbora: 5-6 ordu
Desnibel positiboa: 700 metro inguru
Zailtasuna: erraza
Zailtasun teknikoa: erraza

Araia inguruko baso eta mendi bazterrak miatzen jarraitzen dugu. Aurtengoan, Altzania mendilerroko ipar-ekialdeko txokoetan zehar murgilduko gara, Arabak Gipuzkoa eta Nafarroarekin partekatzen duen tripuntutik gertu (muga hirukoitza). Ibilaldiari Leze koba aurrean dagoen aparkalekutik emango diogu hasiera, Ilarduia eta Egino herrien artean kokatuta dagoen amildegi-leizetik, hain zuzen. Eremu hori, osorik, ezin hobea da eskalada gustuko dutenentzat. Espeleologia atsegin dutenentzako, aukeran ere zonalde honetan Leze koba barrutik zeharkatzea, Koloxkan (mendian gora) dagoen sarreratik.

Bretxa bidexkatik gora
Gorputza berotzeko ia astirik gabe, egunean egin behar dugun igoerarik bortitzenari aurre egingo diogu. La Leze gaztandegia ezkerrean eta Leze kobaren ahoa eskuinean utzita, Bretxa bidexkatik gora egingo dugu. Hasierako hirurehun metroak segurtasun handiagoarekin igarotzeko, hemen instalatuta dauden kate eta zirrindolez baliatuko gara. Arriskurik ez da, ordea, eta ez da igoera bereziki zaila teknikoki, bai, alabaina, fisikoki.

Artzanegiko tutuak pasata
Zirrindola eta kate gunea atzean utzita, mendian dagoen Artzanegi errekatik aintzinean ura ateratzeko eraikitako tutu batzuk zeharkatuko ditugu. Ondoren, ekialdera jota, eta Koloxkako leihora doan bidexka ezkerrean utzita (Leze kobako goiko sarrera), sasi artean doan bide batetik eguneko lehen tontorrera helduko gara: Olano (1083 m); bi kilometro eskas egina eta ia laurehun metroko desnibel positiboa metatuta, gaurkoan egin beharreko ahalegin fisikoena burutu dugu, beraz. Hemengo bistak, ordea, merezidunak dira: mendebaldean, Aizkorri-Aratz mendilerroa, baita Arabako lautada ere; hegoaldean, aurreko urtean igotako Legaire kanpak eta Entzia mendilerroa; ekialdean, Berian (San Donato, Andina), Aralar eta, urrunean, eguraldiak hala nahi izanez gero, Mendebaldeko Haranetako Parke Naturala (Pirinioak); eta iparraldean, aurtengoan murgilduko garen pagadiak.

Altzania mendilerroko ipar-mendebaldeko isuria

Olano (1083 m)
Ekialderantz jota, zertxobait jaisten, eguneko bigarren tontorrera helduko gara: Aiztxiki, edo Olano txiki (1049 m). Hemendik, norabidea aldatuta eta La Leze gaztandegiko artzainak ardiak larratzen dituen landa bat zeharkatuta, gora egingo dugu berriro, mendi-bide batetik. Desnibela ia zangotan somatu barik, laster iritsiko gara eguneko hirugarren eta azken tontorrera: Arbarrain (1118 m). Tokia ez da, ordea, tontorragatik ospetsua, baizik eta Arabak, Gipuzkoak eta Nafarroak puntu honetan talka egiten baitute. Hasieran aipatutako tripuntura heldu gara: puntu geografiko hau dokumentatzeko, Agurain mendi taldeak jarritako
monolito bat dugu ikusgai, euskal hiru probintziak batzen dituena.

Araba, Nafarroa eta Gipuzkoa arteko tripuntua

Norabidez aldatuko dugu berriro: mendebalderantz. Pixkana-pixkana, Araiara joko dugu. Hiru-muga atzean utzita, Altzania mendilerroko iparraldeko pagadiak igaroko ditugu, bidexka eta mendi-bideak jarraituz. Bideak hasieran jaitsiera joera hartuko du, ondoren ordekan joango gara. Pagaelortza mendi-lepoa atzean utzita eta Umandia (1224 m) tontorraren ipar-isurialdea zeharkatuz, harri estrukturek, goroldioztatutak, paraje bitxi eta magikoak sortzen dituzte zonalde honetan. Eguneko azken aldapa dugu arerio: ehun metroko desnibela egina, Atabarrateko mendi-lepora iritsiko gara.

Zirauntza ibaiaren iturburua
Hemendik, Araba lautadaren estanpa aurrean dugularik, Zirauntza ibaiaren iturburura jaitsiko gara, zeinen urek Arga ibaia, lehenbizi, eta Ebro ibaia, ondoren, harrotuko dutenak. Ibaiaren magaletik azken bi kilometroak beherantz egin ostean, Ajuria Urigoitia fabrikara iritsiko gara, garai batean mendietatik jaisten ziren metalak prozesatzeko lantegia zenera. 1848 urtean eraikita, Euskal Herriko industrializazioaren ereduzko paisaia dugu ibilaldiaren amaieran.

Ajuria Urigoitia lantegia
Gutxi-gorabehera bost orduko bidea bete ondoren, hamahiru kilometro eta zazpiehun metroko desnibel positiboarekin, gose eta egarri helduko gara Araiara. Eguraldi ona izanez gero, frontoiko arkupetan edo elizako portxean bazkaltzeko aukera edukiko dugu, tabernetatik gertuko leku estrategikoan.

Bazkide hori:

Gainditu ezin izan ditugun zenbait antolakuntza-arazo direla medio, bertan behera utzi beharrean gaude uztailaren 19-20ko Pirinioetako irteera.

Asko sentitzen dugu, eta barka eragozpenak.

Ondo pasa uda, segi mendian ibiltzen, eta irailean izango gara!

Batzordea

Ekaineko egunik luzeenetan, aste bukaera zoragarri bat pasatzeko proposamenarekin gatoz.

Ekainak 21 Larunbata

Gaurko ibilbidea Lizarako aterpetxean hasiko dugu. Izen bereko lautada gurutzatu ostean, paraje ederrez gozatuaz, El Bozo leporantz zuzenduko gara.  Behin bertara iritsitakoan, GR 11 jarraituaz, Esper leporantz joango gara eta handik aurrera Aspe zirku ikusgarria ikusiko dugu. Hortik aurrera, Tuca Blancatik igaroaz, Candanchura iritsiko gara. Luzera: 16,5 km.

Gorabehera: +~1000m.

Denbora: 7 ordu.

Ekainak 22 Igandea

La Moleta mendia

Aragoi ibaia gurutzatu eta Coll de Los Ladrones aldera abiatuko gara. Pistan aurrera eginaz, Ibon de Iserias alderako norabidea jarraituko dugu. Las Negras ur-jauzia izango dugu begi-bistan baina ez gara bertaraino iritsiko. Handik gutxira harri laukizuzen handi baterantz zuzenduko gara, bertatik abiatzen da Ibon de Iseriasera eramango gaituen xenda. Behin bertara iritsita Moletako leporantz joko dugu. hemendik ibilbide zirraragarri bat jarraituz La Moletako gailurrera iritsiko gara zentzumenen gozamenerako. Beherako bidea hartuko dugu orain, Hasieran inguru harritsuan eta ondoren xendan barrena, Ibili-ibilian sugearenak eginaz, P. lineako eraikuntza eta gotorlekuarekin egingo dugu topo eta segituan iritsiko gara helmugara. On egin!!

Luzera: 16 km. inguru.

Gorabehera: +1400m. -1400m.

Iraupena: 8 ordu inguru.

Ekipajea: udaberriko ohiko ekipoa; beroki/euritakoren bat, makilak, esku-zorroak, bi egunetarako mokaduak, ura eta abar. Ez sartu pisu gehiegi motxilan. 

Lotarako tokia: Candanchuko aterpean Mantak badaude, maindirea edo zakua bakoitzaren kontu. 

ORDAINKETA:

PREZIOETAN SARTUTA DAGO: Joan-etorria autobusez Zarauztik, afaria, lotarako lekua eta gosaria (mendirako edota gainerako mokaduak norberaren kontu)

Plaza mugatuak: guztira, 40

Izen-ematea 

Bi aukera daude:

– Elkartearen helbide elektronikora idaztea (pagoetame@gmail.com), norberaren datuak emanez eta ordainagiriaren dokumentua erantsiz. 
– Pagoeta Mendizale Elkartean ostegunetan.

Egunak: Maiatzaren 28tik ekainaren 13ra. Ordutegia: 20:00tik 21:00ra

Irteera goizeko 06:00etan izango da, Agoüeseko biribilgunetik.

Animatu!

Baraibar – Iribas – Basakaitz iturburua – Aitzarratetako iturburua – Muzkua –
Baraibar

Aurtengoan Nafarroako Larraun Bailarara joango gara geure ibilaldi eta bazkaritxoa egitera. Aralar mendiaren ekialdera hain xuxen.

Baraibarren hasi eta bide zabaletik Iribas herriskara joango gara, hemendik maldatxo batetik behera
eginez Larraun erreka sortzen den Basakaitz iturburura jaitsiko gara.

Ondoren, etorritako bidean pauso batzuk atzera egin eta bide edo xenda polit batetik jarraituz Lezegalde leizea dagoen gunera iritsiko gara, aurrera jarraituz Ertzilla erreka lurpean sartzen den gunean izango gara. Bideari jarraituko diogu eta horrela haitz-ebaki handi baten azpian dagoen Aitzarratetako iturburua eta garai bateko errotaren hondakinak dauden gunean izango gara Iturburu hau da lehen lurperatzen ikusi dugun Ertzilla errekaren sorburua ere. Etorritako bidetik atzera egingo dugu, Arotzenea Bordaren aldamenera iritsitakoan norabidea aldatuz, Baraibar aldera joango gara, errepidera iritsitakoan hau gurutzatu eta, norabidea aldatuz Muzkua muinora igoko gara. Behin gainean, begien gozamenerako Larraun Bailararen ikuspegi bikaina dugu.

Beherako bidea hartuaz lepo batera jaitsi, eta norabidea aldatuz berriro gora ekingo diogu, horrela gaina hartutakoan alanbre-sarea gurutzatzeko gainetik pasa eta, beherako bidean jarriko gara, eta ate-sare bat gurutzatu ondoren, zatitxo bat hormigoizko bidetik behera eginda, hau utzi eta, bide zabaletik abiapuntua izan den Baraibar herrian amaituko dugu ibilaldia.

Distantzia. 10,3 km inguru. Igoera / jaitsiera metatuak 270 m inguru
Denbora: Lasai ibiliaz 4:00 / 4:30 ordu inguru

Baraibar – Iribas – Aitzarratetako iturburua – Iribas (motxa)

Ibilbide honetan ere, luzea egingo dutenaren berdina izango da Iribasera iritsi arte, hemendik aurrera bide zabal eta lasai batetik jarraituz joango gara haitz-ebaki handi baten azpian dagoen Aitzarratetako iturburura “Ertzilla errekaren sorburua” den gunera iristeko.
Itzulera, joandako bidetik atzera eginez hasiko dugu, baina laster eskuinera doan bidea hartuaz errekaren aldamenera hurbilduko gara, eta horrela jarraituz Ertzilla erreka lurpean ezkutatzen den gunean izango gara. Aurrera jarraituz Lezegalde leizea ikusiko dugu, aurrera bidean aurrera eginda azken zatian maldatxo txiki bat igo behar da Iribas herriskara iristeko.

Autobusa hemen egongo da Baraibarrera eramateko
Ibilaldi lasai eta atsegina, eta batere zailtasunik gabea, hau da; edonork egiteko modukoa.
Distantzia: 6,3 km inguru. Igoera / jaitsiera metatuak; 75 m inguru
Denbora: Lasai-lasai ibiliaz 3:00 ordu inguru

Irteera: 8:30an Agoueseneko Biribilgunean eta Nafarroa kalean Iñurritzako geltokian.
Izena ematea: Pagoeta Mendizale Elkartean, Maiatzaren 15 eta 16an. Ordua: 18:30 – 20:00 bitartean
Prezioa: Autobusa 10,00 € Bazkaria: 23,00 €
Bazkaria: Baraibarko Ostatua Jatetxean izango da.
Animatu! Mendi ibilaldia egin, eta egun pasa polit bat pasatzera

Behorlegi ( 1265 m) Albaila mendiguneko mendirik esanguratsuena da. Gailur hau, Donibane Garazitik ere ederki ikusten da, tamaina handiko hortz harritsu baten moduan altzatzen bait da.

Haukoa edo Auzkonobi mendiarekin batera ( 1268), zertxobat handiagoa Uhrandia bailara isten du, bertan Behorlegi (400 m ) eta Mendibe ( 290 m) herriak aurkitzen dira. Arbailako mendigunearen hegoaldeko isurialdea oso azkar jaisten da Lauribar harana eraikiz.

Distantzia: 17 km

Igotzeko desnibela: 1200 m

Denbora: 6-7 ordu

Irteera: Agoues biribilgunean, goizeko 7.30etan.

Ohi bezala, Mendizabal kinkila dendan eman dezakezu izena, maiatzaren 16ra arte.

Gurekin izango zarelakoan, ondo izan

Batzordea.

Arratsaldeon.

Irteeretaz aparte maiatzean  izango ditugun hainbat ekintza interesgarriren berri ematera gatoz.

Belar txarrak eta sendabelarrak hirian. 

Garai batean bezala, larunbat (2025-05-10) honetarako Txilikuk gidatutako botanika irteera antolatu dugu Zarautzen. Irteeraren izenburua Belar txarrak eta sendabelarrak hirian izango da. Arkamurka natura elkarteko egoitza aurretik (Santa Marina-2) goizeko 09:00etan irtengo gara.

Ea eguraldiak laguntzen digun.

Kaixo bazkide,

Gasherbrum II

KARAKORUM – PAKISTAN

Asteburu mordoa Pirineotan, oporrak Andetan edo Indiako zazpimilakotan gozatu eta gero…… GII-ra egindako lagunarteko plana.

Aurten 2 irteera egiñez eta datorren urtean beste bi, Euskal Herria Mendi Erronkaren zirkuitua osatuko dugu.

Euskal Herria Mendi Erronka (EHME) 2014an sortutako luzera handiko mendi lasterketa bat da, 67 kilometroko luzera eta 7200 metroko desnibela duena. Nafarroa Garaiaren ipar-mendebaldean egiten da, Leitzan hasten eta bukatzen da, Araizko, Beteluko, Larraungo eta Lekunberriko mendietatik igarota. 

Ibilbideak ez du zaitasun teknikorik eta  4 zatitan Aralar, Araiz, Betelu eta Larraungo mendi politenak igaroko ditugu. 

Zein izango diren etapak:

Irteera: Agoues biribilgunean, goizeko 7.30etan.

Ohi bezala, Mendizabal kinkila dendan eman dezakezu izena,martxoaren 28ra arte.

Gurekin izango zarelakoan, ondo izan

Animatu!!!