Pagoeta M.E.

ETXARRI ARANATZ – FAGAMENDI – TXARADIGORRI – ZELATAMUNO –
IRUMUGATA – SAN ADRIAN BASELIZA – ETXARRI ARANATZ

Eguneko txangoan, Ataun – Burunda mendilerroa, Gipuzkoako Ataun eskualdearen eta Burunda artean kokatua da , eta arrazoi horregatik deitzen da horrela.
Burunda, Sakana Bailararen mendebaldeko zatia da

Goialde guztia pagadiz estalita dago, balizko panoramika oro ezkutatuz, eta beheko
partean hariztia da nagusi, eta horien artean ale erraldoiak agertzen dira. Aipatu, inguru horri “Milurtekoen Harizti Bidea”” deitzen zaiola.
Ibilaldian, PR-NA 133 Etxarri-Aranatzeko trikuharrien ibilbideari jarraituko diogu Txaradigorri gainetik igaro arte, zeren eta hortik Irumugata bitartean Gipuzkoako
Itzuliko GR-121 akin partekatuko dugu.
Ibilaldia, Etxarri Aranatzetik Lizarrustira doan errepidetik Arakil Ibaia eta trenbidea, autobusez gurutzatu ondoren dagoen biribil gune ingurutik hasiko dugu. (490 m)

Mendilerroaren hego-mendebaldeko maldetatik gora eginez Fagamendi (814 m) gainetik igaro, eta piska bat behera egin ondoren Ahuntzetxe aterpera (710 m) iritsiko gara, iturria ere badago bertan.
Jarraitzeko, bidean gora eginez Txaradigorri ((986 m) gailurrera iritsiko gara. Gain honetatik Irumugata-ra (961 m) iritsi bitartean gainez-gain joanez zenbait muino eta lepoetatik igarotzearekin batera hainbat trikuharri ere aurkituko ditugu bidean. Zerbaiten gaitik deitzen zaio ibilaldi honi Trikuharrien Bidea
Irumugata-tik igaro, eta GR-121 marrak utzita, PR marrak bide lagun ditugula, hegoalderako norabidea hartuaz beherako bidean jarriko gara, bide honetan ere, beste lau bat trikuharri ikusi ahal izango ditugu beheko sakonean dagoen Ibarbeltz errekastoaren ingurura jaitsi arte, non, aisia gunea eta San Adrian Baseliza dauden.
Hemendik amaiera arteko bidea errekastoaren aldamenean doan bide zabal edo pistari jarraituz, “3 kilometro inguru” egin eta kanpinaren ondotik igaro ondoren abiapuntua izan den gunean amaituko dugu txangoa
Ibilbide bikaina, pagadi eta hariztietan barrena ibiliaz gure arbasoen kokagunetan ere
barneratzeko
Distantzia: 15 km inguru
Igoera / jaitsiera metatuak: 750 m inguru
Denbora: 5:00 ordu inguru
Zailtasuna: ez du zailtasun teknikorik

Cabezo del Santo (1.854 m)
Brieva de Cameros herritik abiatuko gara, Brieva errekan gora, hegoalderantz. Amuarrain-haztegi baten ondotik pasatuko gara, eta ibilguan gora jarraituko, Montenegro mendatera doan bide zaharretik, 1.500 metro inguruan Las Lastrillas aldeko zabalgunera iritsi arte. Hortik, ekialderantz biratu eta Cabezo del Santoko gailurrera igoko gara, hego-mendebaleko bizkarretik (1.871 m). Bertatik, mendi-ikuspegi zabala izango dugu: Cebollera. Urbión, Demanda (San Lorenzo, Pancrudo…).
Jaitsiera Mocarizas errekara doa, bide argirik gabe, eta handik igoeratxo bat egin beharko dugu Collado Mohinora iristeko. Handik, Covaruña kobazulora joango gara. Aurrera segituko dugu, Berrinche errekara daraman bidea hasten den lepoa jo arte. Eskuinera biratu eta, behin errekara jaitsiz gero, ibilguan behera joango gara. Handik gutxira, erreka ezkerrera utzi eta, igoera labur baten ondoren, Las Escalerillas arroilaren goialdean azalduko gara. Izenak berak salatzen duenez, tarte luzean eskailera moduko bide mailakatu batetik jaitsiko gara arroilaren ondotik, Brievara itzuliko gaituen bidea topatu arte.
Luzera: 18 km inguru
Desnibela: 900 m inguru.
Denbora: 5-6- ordu

Valvanera – Pico La Rioja – Tobía
Ibilbidea Valvanerako monasteriotik hasten da (969 m). “Area reacreativa” delakotik pasatu eta ekialderantz joko dugu, Angianora daraman GRtik. 1.200 inguruko altitudera iristean, GRa eskuinera utzi eta La Velilla ingurura igotzen hasiko gara. Collado Herradero iritsiko gara eta iparralderantz segituko dugu, Collado Campastroseraino (1.430 m), eta handik Pico La Rioja igotzeari ekingo diogu (1.564 m). Gailurretik, Pancrudo eta San Lorenzo ikusiko ditugu mendebaldera begiratuta, eta bezperako Cabezo del Santo ekialdera. Iparraldera, aurrez aurre, Peña Tobia ikusiko dugu, eta harantz emango ditugu gure hurrengo pausuak.
Zuzenean jaitsi beharrean, ekialdera joko dugu, Vallilengua ingururaino, eta handik iparraldera biratu, Las Pasadas bidean behera. Manzanar eta Cristisalve gainak inguratuz segituko dugu gero, Gainez gain, eskuinaldeko errekara jaitsi gabe, harik eta Cerro Peñalba aurrez ikusi arte. Eskuinerantz jaitsi, Matutera doan bidearekin bat egin arte. Gero, Cerro Peñalbaren eta Peña Tobiaren arteko lepora heltzen garenean, bide hori utzi, ezkerretara jo eta Tobiaraino eramango gaituen bidea hartuko dugu.
Luzera: 16 km inguru
Desnibela: +700 m inguru; -1.000 m inguru
Denbora: 5-6- ordu

BALDINTZAK

IZKIKO PARKE NATURALA: 1998an izendatu zen Parke Natural eta, Arabako hego-ekialdean
dago kokatua. Paisaia aldetik anitza da, eta Euskal Autonomia Erkidegoko hirugarren parkerik handiena
da. Bere barnetik ibili eta ezagutzeko hainbat zidor daude. Horien artean besteak beste; El Agin eta,
Senda del Cartero bideek zuhaitz monumental eta berezietara hurbiltzen gaituzte: ezkiak, haginak,
gaztainondoak, gizakiaren ehunka urteko historiaren lekukoak, parkean eta inguruetan dauden
monumentu askotarikoen bidez ikus daitezkeenak: kobazulo artifizialak, monolitoak, gazteluen aurriak,
zubiak, errotak, guztiak ere hainbat bidetatik iristeko modukoak:

Eguneko ibilaldian, goian aipatutako zenbait zidorretatik eta beste batzuetatik ibili eta, bertako zenbait
mendi gailurretatik ere igaro asmo da, hala nola: Kapildui 1177m., San Justi 1028 m., Balzarra 998 m.,
eta San Kristobal 1057 m. Lenen aipatutakoa eta azkenekoa dira Izkiko gailurrik garaienak.

Eguneko ibilaldi osoa Parkearen eremuan osatuko dugu

Arluzea (781m.) herriskan hasi eta piska batean pistaz joango gara, eta garai bateko errotara zaharrera
iritsiko gara. Hori ikusi, eta bere inguruan dagoen zubia gurutzatuaz Barranco del Molino deitzen den
sakanean zidor polit batetik batzuetan ezpel artean, eta gero pagadian, gora egingo dugu zidor garbirik
gabean baina beti ere errekastoaren inguruan, belardi batetara iristean ipar ipar-ekialderako norabidean
hesi alanbre-sarearen aldamenetik gora eginez, Kapildui tontorrera iritsiko gara. Gailur hau, askorentzat
izenez behintzat ezaguna egingo zaizue, zeren eta, gailur honetan Euskalmeten radarrak biltzen dituen
datuekin egiten baitira EITBko eguraldi aurreikuspenak. Esan behar da, traste horrek gailurra dena
itsusten duela

Hemendik beharantzko bidea hartzearekin batera, paisaia ere aldatu egingo zaigu, igoerakoan gehien
batean pagadia izan badugu ere, hemendik aurrera tarteka pagadia, belardiak, eta epuru landarea izango
dugu hein handi batean bide lagun.

Horrela jarraituta bidetik ateraz, Arluzea gainean dagoen San Justi gailurrera joan etorria egingo dugu,
gailur honetan bi buzoi daude. Etorritako bidetik atzera-pausoak eginez, berriro bidean jarri, eta jarraituz,
eta aurrekoan bezala, Balzarra lepora iristean bidea utzi, eta, Baltzarra, edo “Pico del Arco ere deitzen
diote”, bertan dagoen arku naturala dela eta. Gailur berezi horretarako joan- etorria egingo dugu.

Berriro lepora itzultzeko atzera pausoak egin ondoren, bideari lotu eta Apinaiz alderako bidean jarriko
gara, bidean, Unzarrate deitzen den inguruetara iritsiko gara. Aipatu, inguru honetan, La Señoritas
deitzen diren kobak daudela. Horietara iristeko, bidetik atera eta ezpel artean zidor esti batetik harkaitz
azpira joan behar da, eta joan-etorria egiteko; 300 bat metro dira eta, 10/15 minutu behar lirateke

Bideari lotuta, Unzarrateko haitzen gainetik jarraituaz, une batean Apinaiz-tik

Arluzea-ra doan “postariaren xenda”rekin bat egitean, (aipatu bide honi behera jarraituz nahi duenak
Apinaiz-era jaisteko aukera duela) mendebalderako norabidean gora hartu eta San Kristobal gailurrerako
bidean jarriko gara, gain batetara iristean, ipar-ekialderako norabidea hartu eta, mendiaren hegitik
jarraituz San Kristobal gailurrera iritsiko gara. Gailurrean, buzoia, eta erpin geodesikoan kokatuta, ondo
zaindutako jaiotza bat ere badago.

Beherako bidean jarriaz, lehenik zidorrik gabean pagadian behera egin ondoren, bide zabalarekin lotuaz
herrira jaisteko bidean jarriko gara, bide horretan kontuz ibili behar da, zeren eta une batean bide zabala
utzi eta garai bateko bideari jarraitu behar zaio. Horrela berehala izango gara eguneko helburua den
Apinaiz (735 m) herrian

Aukera ederra, ingurune eder honetan ibili eta inguruak piska bat ezagutzeko.

Distantzia: 22,5 km inguru, Igoera / jaitsiera metatuak 770 m inguru
San Kristobal igo gabe: 19,5 km inguru. Igoera / jaitsiera metatuak 800 m inguru
Zailtasuna: Ertaina, baina zailtasun teknikorik gabea.

Denbora: 6:30 ordu inguru

Kaixo denoi:

Aldundiak Abaltzisketan, Aralarko Gaztelu mendiaren magalean, pista berriak eraikitzeko prozedura abiarazi du. Horren harira, Landarlan elkarteak Ingurumen Eraginen balorazio negatiboa jasotzen duen txostena idatzi eta aldundira bideratzeko ekimena jarri du martxan. 

Horretarako, atxikita bidaltzen dizuegu Aldundira bidaltzeko idatzia. Idatzi hau proposamena da eta aldatu edo beste puntu batzuk erantsi ditzakezue. Prozeduar oraintxe hasi denez, garrantzitsua da ahalik eta kontrako adierazpen gehienak helaraztea; Aralarren erabilera anitzak bistataratzeko.

INFORMAZIOA:https://www.gipuzkoa.eus/eu/web/ingurumena/-/3820904-14

EPEA: abuztuaren 7a

, epea gelditzea eskatu dugu, dokumentazioa espainolez dagoelako eta epea abuztuan bukatzen delako, baina ez dugu erantzunik jaso.

EKARPENAK AURKEZTEA: Foru Aldundiaren web orritik aterata

Interesdunek edo herri-administrazioek, idazki bat zein web orri honetan eransten den  Jendeak ingurumen ebaluazioan parte hartzea izeneko inprimakia erabiliz, bere iradokizunak Ingurumeneko Zuzendaritzara helaraziko dituzte prozedura hauetako baten bidez:

• Lehentasunez, idazkia edo inprimakia bide elektronikoz erantsiz Gipuzkoako Foru Aldundiko Egoitza Elektronikoan.  Horretarako, Gipuzkoako Foru Aldundiak emandako pasahitz operatibo bat edo aitortutako ziurtagiri digital bat izan behar ditu.
• Idazkia edo inprimakia posta arruntaz Ingurumeneko Zuzendaritzara bidaliz, edo Gipuzkoako Foru Aldundiaren erregistroan aurkeztuz (Gipuzkoa Plaza z/g. 20.004 Donostia).

Ingurumeneko Zuzendaritzak bertakotuko ditu jasotako erantzunak dagokion txostenean (irismeneko agirian, ingurumen-txosten estrategikoan edo ingurumen-inpaktuaren txostenean), eta horrekin batera bidaliko dizkio sustatzaileari kontuan izateko.

Mila, milesker!

Dokumentua

Bazkide hori:

Honekin batera doakizu uztailaren 16-17 astebururako antolatu dugun Gouretterako irteeraren informazioa duzu.

www.pagoeta.eus webgunean, ibilaldiaren mapa, track-ak eta irteeren azalpena dituzu. Irteera erraz eta politak dira, eta Gourette estazioan egingo dugu lo.  Animatu, plan bikaina dugu eta.
Izena emateko bi aukera daude:

• Pagoeta Mendizale Elkartean.Egunak: ekainaren 23tik uztailaren 8ra, 20:00etatik 21:00etara.
• Elkartearen helbide elektronikora idaztea (pagoetame@gmail.com), norberaren datuak emanez eta ordainagiriaren dokumentua erantsiz. Ekainaren 24tik aurrera jasotako mezuak soilik onartuko dira.

Derrigorrezkoa da FEDERATUA izatea. Federatua ez bazaude, aukera duzu irteerarako asegurua egiteko. Horretarako, izen-abizenak, jaioteguna eta NAN zenbakia behar dizkiguzu, eta 10 € gehiago ordaindu.

Animatu!!!
Batzordea

Baldintzak

Download “Uztailak 16: Gabizos”

Download “Uztailak 17: Ger”

Bazkide hori:

Honekin batera doakizun fitxategian, ekainaren 18-19 astebururako antolatu dugun Otxagabirako irteeraren informazioa duzu.
Izena emateko bi aukera daude:

• Pagoeta Mendizale Elkartean egitea.Egunak:  Maiatzaren 26tik ekainaren   9a bitarte . Ordutegia: 20:00tik 21:00ra.

• Elkartearen helbide elektronikora idaztea (pagoetame@gmail.com), norberaren datuak emanez eta ordainagiriaren dokumentua erantsiz. Maiatzaren 26tik ekainaren  13ra bitarte jasotako mezuak soilik onartuko dira.

Larrañeko bortua – Orhi  – Musumurru – Iratiko etxeak

Ibilbide-zeharkaldi honi hasiera, Larrañeko bortutik edo eta Iturzaeta mendatetik emango diogu. Tunela pasa eta metro batzuetara dagoen aparkalekuan utziko dugu autobusa.
Guk, Orhira doan bidezidor zapaldu eta nabarmena hartuko dugu. Goizeko freskuran, konturatzerako izango gara tontorrean. Bertatik ikusten den ikusmira, alimalekoa da. Orhi da, Kantauri itxasotik gatozela, bi mila metrotik gora altxatzen den lehen tontorra. Hemendik hegoaldera, Muxumurru eta urtegi txiki bat izango ditugu begi-bistan eta bertara zuzenduko ditugu gure pausoak. Bertatik eskuinera egin eta metro batzuetan GR12-ari jarraituko diogu.
Geroxeago ordea, bide hau utzi eta Iratiko oihanean sartuko gara. Hemendik aurrera, pago eta izei ederren artean joango gara.  Lasaitasuna ia erabatekoa da. Txoriren baten txorrotxioak hausten du tarteka isiltasuna. Bidea markatua dago gezi urdin eta ia ezabaturiko marka horiekin. Erne joan beharko dugu marka hauek ez galtzen. Izan ere jende gutxi dabil paraje hauetan eta behin baino gehiagotan orbelak estaltzen du, guk egin beharreko bidea. Eta honela Elurretako Andra Mariren baselizara iritsiko gara. 1954ean inauguratu zuten Aezkoa eta Zaraitzuko bizilagunek. Hemendik behera Iratiko Etxeetan garagardo hotz bat hartu eta berehala helduko gara autobusa dagoen tokira.

Otsagabia – Itzaltzu – Gartxoten ibilbidea + Abodi

Otsagabiako kanpinean emango diogu hasiera ibilbide honi. Zaraitzu ibaian gora, Zatoia eta Anduña errekek bat egiten duten puntuan sartuko gara Otsagabiako herri eder honetan.
Eskuinera hartu eta zubia zeharkatuko dugu.

 Errekaren aldamenetik, ”estación patatera” delakora iritsiko gara eta hemen, panel informatibo batek, Otsagabia eta Itzaltzu arteko herri bidearen berri emango digu.

Herriaren irteeran, erdi ezkutuan dagoen zutabe batek emango digu hartu beharreko norabidea. Hasieran hurrondo artean joango gara; bidean aurrera egin ahala, pago, pinu eta izei artean, baso laiotzean sartuko gara. Urte sasoiaren arabera, errekasto batzuk ere pasako ditugu ur gehiago edo gutxiagorekin.

Egurrezko zubi bat pasa eta Itzaltzura iritsiko gara.  Gartxoten bidea hementxe hasten da

Errepidez, kilometro pasatxo egin beharko dugu, Izaba aldera doan bidean.
Errepidearen ezkerretara dagoen egurrezko zutabe batek, Elkorreta-Gatxot jarriko digu, eta bide-zidorrean gora egingo dugu, marka laranja eta txuriei jarraituz. Pixkanaka aldapa eramangarrian, ezpel, pago, astigar eta elorri zuri artean, errez egingo dugu gora. Zelai gune eta larre ederretara iritsiko gara eta ekialdera begiratuz, Euskal Pirinioak ikusiko ditugu. Argazki batzuk atera ondoren, Elkorreta aldera hartuko dugu baina gure asmoa Abodira ere igotzea denez, bueltakoan bisitatuko dugu Elkorretako haitzuloa.
Abodi gainetik ere ikusmira ederraz gozatuko dugu. Orhi mendia ikusiko dugu parez pare. Larre motzean behera errekatxo bat pasa, basoan sartu eta igoeratxo baten ondoren, Elkorretara iritsiko gara.
Gartxoten kondaira, ahoz aho iritsi zen gureganaino, 1935ean Arturo Kanpionek
Itzaltzuko bardoa liburua idatzi zuen arte. Gero Benito Lertxundik kanta bat eskaini zion Gartxoti.

Beste bultzada haundi bat, Asisko Urmenetak eman zion marrazki bizidunen bidez.
2008tik aurrera Urtarrileko bigarren aste bukaeran, Gartxoten eguna ospatzen da Itzaltzun. Euskaltzale askoren zita garrantzitsua izaten da. Elkorretako haitzuloan kontatuko dizuegu Gartxoten kondaira. Hunkigarria benetan!!

Berriz ere bueltan, marka txuri- laranjei jarraituz, Benito Lertxundiren kantaren bat abestuz, Itzaltzura jaitsiko gara ibilbidea amaituz.

Ondo izan, eta animatu!

Bestalde arkamurkak prestatu duen astearen informazio duzue esteka honetan:
https://arkamurkanaturtaldea.blogspot.com/2022/05/zarauzko-xxiv-astronomia-astea.html
Eta beste esteka honetan larunbat honetan Zarautzen antolatu duten irteera botanikoaren berri.

https://arkamurkanaturtaldea.blogspot.com/2022/05/irteera-botanikoa-zarautzen-baso.htmlBatzordea

Otxagabia-ekainak-18-19 baldintzak

Ibilbidea Albiko soilguneetatik egingo dugu, aparkalekuaren amaieran Santutegirako norabidean; eskuinetara langa berde bat ikusiko dugu, pista zabal batera sartzeko. Pista hori ondo zehaztuta dago, eta pixkanaka Aralarko basoaren loditasunean sartuko gara; lehenik, borda txiki baten ondotik igaroko gara; aurrerago, ezkerretara, bidezidor txiki bat ikusiko dugu (handik itzuliko gara). Handik gutxira, lau bideko bidegurutze batera iritsiko gara, eta, hara iritsi ahala, ezkerreko bidea hartuko dugu; garrantzitsua da bidegurutze horretan kontuz ibiltzea itzultzean, oso erraza da despistatzea eta zuzen jarraitzea.

Bide hori hartzen dugunean, estuagoa eta margo gorriz markatua, altuera irabazten hasiko gara; aldapa ertainetik eta harri askeko lur deserosotik. Lehen igoera horren ondoren, soilgune zabal batera iritsiko gara; han, nahiko zapalduta dagoen bidezidorretik, lur belartsu eta lau baten gainean, ibilbideari jarraituko diogu, kaputxinoaren lapida zahar baten ondotik pasatuz, eremu harritsu baterantz. Alde harritsua zeharkatuko dugu marra gorriei jarraituz, eta ondoren soilgune berri batera irtengo gara, Bustinza borda zaharra ikusiko dugu, eta  bere aldamenetik igaro ondoren, amildegi baten ibilbideari paraleloan jarraituko dugu; Belokiren magalaren azpitik irtengo gara, eta aurrean bi lepo txiki. Amildegiaren bideari jarraituko diogu, eta eskuinaldeko lepora igoko gara; Aralarko muino  eta Malloak aurrean ditugula.

Hemendik jaisten joango gara pista zabal baten oinatzak aurkitu arte. Bertara iristean, ezkerretara hartuko dugu eta GR20ko balizei jarraituko diegu ia lur lauetatik, Unagako Putzura iritsi arte. Putzura iristean, pistak eskuinera biraraziko gaitu, eta gure igoerari jarraituko diogu.

Orain, bidexka lauso bati jarraituko diogu, harkaitzez jositako lursail batetik; lehenengo une horietan, Malloetako gailurrak hartuko ditugu erreferentziatzat, harik eta arrasto gorriak dituen bidezidor bat aurkitu arte. Inolako galerarik gabe, margo gorriz balizatutako bidezidorrari jarraituko diogu, oso lur harritsuan eta malda ertainetan gora eginez; 200 metroko desnibela gainditu ondoren, Beldarri mendiaren azpiko Malloetako gailurrean utziko gaitu, Irumugarrietako gailurra ikusten dugun lekuan. Muino txiki bat igaro eta alanbre-hesi bat zeharkatuko dugu; eta azken 100 metroko desnibela gainditzea besterik ez zaigu geratuko, Malloetako gailurrik garaienera iritsi arte; Irumugarrietaraino, 1431 metroko altuerarekin.

Jaisteko, ezkerrera doan bidea utziko dugu, marra gorriei jarraituz, apur bat zapaldutako bide batetik, alanbre-hesi baten parera iritsi arte; alanbre-hesi bat zeharkatu beharko dugu, eta errazena, eskuinean dagoen «mugarri» batetik barrena joatea da. Alanbre-hesia igaro eta metro gutxi batzuk behera egin ondoren, informazio-zutoin bat duen bidegurutze batera iritsiko gara; Irumugarrietako tontorrerantz seinalatzen digun geziaren kontrako norabidean jarraitu beharko dugu. Beheranzko bideari jarraituko diogu, bidexka-arrasto lausoak, mugarriren bat eta marka gorriak jarraituz; eta 200 metroko jaitsieraren ondoren, Aralarko arrasetako pistara iritsiko gara berriro, GR markekin.

Pistatik jarraituko dugu, Errenagako Putzua ondotik igarota. Handik gutxira, Igaratzara jaitsiko gara, eta han, bere bi babeslekuen eta bere ermitaren ondotik igaroko gara, eta leku enblematiko horretatik GR jarraituko dugu, lautada zabal batera iritsi arte. Han, eskuinera joko dugu, GRaren arrastoei jarraituz, eta informazio-zutoin baten eta Guardetxe aldera doan pista baten ondora iritsiko gara. Pista hori Guardetxerantz hartuko dugu, pixkanaka landaretza trinkoaren artean sartuko gara, kilometro erdi baten ondoren Desamendiko leize erraldoira iritsiko gara; handik kilometro erdi bat aurrerago, bidegurutze batera iritsiko gara, eta han ezkerrera egingo dugu, eta oraindik pixka bat gehiago jarraituko dugu pistatik, Pagomariko aparkaleku zaharrera iritsi arte.

Pagomarira iristean, ezkerreko gune hormatuan sartuko gara, eta pista bat hartu arte zeharkatuko dugu; pista hori hartu, eta norabidea aldaraziko digu ezkerrerantz, eta aldapa txiki bat igoaraziko dugu, zulo txiki batera iritsiz. Hemen pista utziko dugu, zuhaitzen azpiko eskuinaldetik zuloa inguratzen duen bidexka bat hartzeko, eta berriro ere pistan sartuko gara; hortik behera egingo dugu pixkanaka bidegurutze batera iritsi arte. Han, ezkerrerantz joko dugu, eta pista betean pauso batzuk egin ondoren, bidezidor estu bat hartuko dugu. Bide horretan behera jarraituko dugu, nahiko zapalduta eta galbiderik gabe; alboetan beste bidexkaren bat aurkituko dugun arren, pasatzen utzi beharko dugu. Hustubide baten ondotik igaroko gara, kilometro erdi falta zaigula adieraziz, hasieran Albiko zabal-gunera hartuko dugun pistara irten arte. Eta bide ezagunetik, aurrera egingo dugu Albiko zabalgunean amaitu arte.

Kaixo.

Maiatzak 12an, osteguna-19;00etan, Zarauzko Modelo aretoan izango den dokumental-solasaldian, azken urteotan, iskanbila-iturri bihurtu den Aralar izango degu hizpide. Bertako larreen kudeaketa gatazkatsua izaten ari da, ganaduzaleen esanak aintzat hartzen baditugu, bederen. Baina, haienak ez dira ahots bakarrak. Aralar parke naturala da eta bertako ondare naturalaren eta biodibertsitatearen zaintzaz arduratuta, Aloña Jauregi eta Garazi Auzmendiren laguntzaz Aralar, mundua leku den lurra ikus-entzunezkoan parte-hartze zuzena izan zuen Landarlan elkartearen ikuspegia ekarri nahi izan dugu Modelo zinemara. Beraz herritar guziak bertan parte hartzera gonbidatuta zaudete.

https://arkamurkanaturtaldea.blogspot.com/2022/05/zer-ari-da-gertatzen-aralarren-hitzaldi.html

Arkamurka natura elkarteak hegaztiak ikusteko irteera antolatu du Iñurritza biotopora. Hitzordua maiatzaren 1ean, igandean, goizeko 09;00 etan, Zarauzko surtidorearen aurreko biotopoaren sarreran izango da. Udaberri betean sartuta gauden garaia izanik,  hegazti ugari ikusiko ditugula zihurtatua dago, kontuan izan udaberria Iñurritza biotopoan hegaztiak ikusteko urteko sasoirik onena izaten dela. Batzuk Afrika aldetik Iñurritzako hezegunera kumatzera etortzen direlako eta beste batzuk migrazioan Iñurritza biotopoa atseden hartzeko erabiltzen dutelako. Inongo zailtasunik izango ez duen goizbuelta bat izango da. Arkamurka taldekoek teleskopioak, prismatikoak zein hegazti gidak eramango dituzte, bainan halata guztiz norberak ere etxean izango balitu eramatea gomendatzen da. Beraz, txorizale guziak bertan parte hartzera gonbidatuta zaudete. Behekaldean dituzue egun hauetan bertan ikusten ari garen hegazti batzuen argazkiak.

Autobusak “El Mirador de Salburua” jatetxean utziko gaitu. Hau izango da gure bazkaltzeko tokia.

 Bertatik Salburuako Parkea “ATARIA”ra joango gara, eta bertan hasiko dugu ibilbidea (Salburuako Hezegunea Interpretazio Zentroa). Oreinak, ahate desberdinak, zikoinak etab. ikusteko aukera izango dugu. Merezi du buelta osoa egitea. Gainera, dena laua da. 

4 km-tara Elorriaga auzoan geldituko gara. Aukera dago autobusa hartzeko bertan, norbaitek beharra badu. Parkean zerbait jan dezakegu eta gero nahi badugu kafetxo bat “Palacio de Elorriagan” har dezakegu, baina ezin da gure janaria eraman.

Buelta osoa  9,300 km dira.

Jatetxea beteta egongo da eta aholkatu digute  ordubitan (14:00) eserita egoteko.