Pagoeta M.E.

Bazkide hori:

Urtarrilaren 26rako, Nafarroako Oderitz herriaren inguruko ibilaldia antolatu dugu. Bidean, Egar 1 eta 2 kobazuloetan sartzeko aukera izango dugu. Benetan merezi du horiek ezagutzea. Beraz, ez ahaztu zure frontala! Laster izango duzu informazio zehatzagoa gure webgunean.

Distantzia: 11 km

Igoera/ jaitsiera metatuak: 350 m

Denbora: 4 ordu inguru

Irteera: Aigoues biribilgunea, 7:30

Izen-ematea: Mendizabal kinkila-dendan, urtarrilaren 20tik 24ra.

Egun horretan gurekin izango zarelakoan,

Batzordea

Bazkide hori:

Aurtengo lehen emanaldiaren berri ematera gatozkizu.

Saioa Iruretagoienak eta Unai Lizarraldek beren Peruko ibileren berri emango digute, Perun barrena izeneko aurkezpenean. Haien hitzak ekarri ditugu hona:

“Ibilaldi ezberdinak eginez Peruko txokoak ezagutzeko aukera izan genuen azken uda honetan. Huayhuashseko zeharkaldia egiteko, Cordillera Blancan aklimatazio motz batekin hasi eta Colca, Salcantay, Machu Picchu… bisitatuz Paracaseko kostalderaino. Ia 5.000 metrotan bizi diren behietatik, merkantzia-ontzietan eguzkia hartzen duten itsas lehoietara.”

Peruko bazter ederrak ezagutzeko aukera izango duzu, animatu!

Batzordea

Gaurko ibilbidea Arantzazuko aparkalekuan hasiko dugu. Urbiako ohiko ibilbidea ezker aldera utzirik zuzen jarraituko dugu Iturrigorriko futbol zelai zaharrak dauden aldera.

Marra zuri horiei jarraituaz eta Urkulu erreka lagun dugularik leku zoragarri honetatik bakardade osoan ibiliko gara, eta Gaztelu Aitz tontorraren azpitik pasako garen, gaurkoan bertara ez gara igoko, neguan labaina egoten bai da eta, azken malda eta talde handian igotzeko ere ez da oso gomendagarria.

Aurrera jarraituaz eskuin aldera maldatxo bat agertuko zaigu eta bertatik Arrionako lepora iritsiko gara. Bertan, mugarri berezi bat dago pinudian ezkutatuta, garai bateko Arionako sel harria da.

Pinudian baherantz hasiko gara eta basoa aldatzen joango da pagadian bihurtu arte. Oso baso polita da, goroldio, erreka eta guzti. Basotik irten da Bellotzako baserrira ingurutako gara. Gune honetan zelai barruti txikiak daude, horma txikiekin babestuta eta tontor batzuk ditugu paisaia osatuz.

Errepide estu batetik joango gara azken zatian eta, azken malda tentea gaindituta, eskailera maila batzuk ere ba ditu, berriz ere Arantzazuko aparkalekuan izango gara.

Ibilbidea erraza da.

Distantzia: 8 km inguru.

Igoera/ jaitsiera metatuak: 375 m inguru

Denbora: 3.00 / 3:30 ordu inguru

ANIMATU!!

Bazkide hori:

Aurtengo azken emanaldiaren berri ematera gatozkizu.

Iñaki Peña medikuak berak zuzendutako “Mendian hil, hirian hil” dokumentala aurkeztuko digu. Dokumental honetan, heriotzari buruzko erreflexio-bilduma bat entzuteko aukera izango dugu.

Mendian norbait galdu duten gurasoak, anai-arrebak edota lagunak dira protagonistak. Kameraren aurrean, beren bihotza irekiko digute, eta heriotzak sortarazi zizkien sentipenak kontatuko dizkigute. Haien laguntzarekin, heriotzaz asko ikasiko dugu eta, aldi berean, bizitzaz ere bai.

Hemen duzu dokumentalaren laburpena:

Emanaldia abenduaren 13an izango da, 19:00etan, Pagoeta MEren aretoan.

Gurekin izango zarelakoan,

Batzordea

Bazkide hori:

Jakingo zenuenez, azaroaren 24an egitekoa zen Arkamurka-Pagoeta irteera bertan behera utzi behar izan genuen, haizeteengatik. Orain albiste on batekin gatozkizu: datorren igandera, hau da, abenduaren 1era, aldatu dugu irteeraren eguna.

Arkamurkak gidatuta, Olatz, Arno eta Kalbario inguruetarako joango gara, bertako artadiak ikustera. Ibilbidea 5 km luze da, eta desnibel txikia du. Naturaz gozatuko dugu, zuhaitz zaharrei begi berriez begiratzeko.

Hamaiketakoa, elkartearen kontura.

Izen-ematea, ohi bezala, Mendizabal kinkil-dendan egin behar da. Lehendik izena eman bazenuen, ez duzu berriz egin behar.

Irteera goizeko 07:30an izango da, Agoueseko biribilgunean.

Animatu!!

Mendizabal dendan izena eman dezake lehen etortzerik etzuenak. Hamaiketakoa  elkartearen kontu izango da.

Bazkide hori:

Duela hainbat urte, Arkamurka natura-elkarteak eta Pagoeta Mendizale elkarteak erabaki zuten urteko azken irteera elkarrekin egitea, urteko egutegia ixteko aukera bikaina delakoan. Naturzaleak, naturari begiratzeko patxada eta irizpideak eskaini nahian; mendizaleak, mendian elkarrekin gozatzeko aukerari bide eginez.

Urtero herrialde ezberdinera joan ohi gara, eta aurten, Gipuzkoa tokatzen da. Arkamurkak gidatuta, Olatz, Arno eta   Calvario  inguruetarako joango gara, bertako artadiak ikustera. 5 km luzerako ibilbidean,  desnibel txikiarekin, naturaz gozatuko dugu, zuhaitz zaharrei begi berriarekin begiratzeko.

Izen-ematea, ohi bezala, Mendizabal kinkil-dendan egin behar da. Arazoaren 18tik 22ra bitartean duzu izena emateko aukera.

Irteera goizeko 07:30etan izango da, Agueseko biribilgunean.

Animatu!!

Egunon danori. Larunbat hontarako prestatua dugun irteera-txistodarrarako azken orduko aldaketa batekin gatoz. Mundu guztia animatze aldera irteera lasaiago bat prestatu dugu. Aurretik prestatua genuena hurrengo urtera pasatzea pentsatu dugu, txistodarrarekin bat egiten ez duela.
Beherago irteeraren azalpena.

Leire-Arangoiti(1356m)-Leire. Leireko parkinetik irtengo gara eta Cañada Real de los Roncaleses deritzaion bidea erabiliko dugu basoan sartu eta goruntz egiteko. Haritzak, arteak eta batez ere ezpela da nagusi paraje hauetan. Basoan aurrera joanik, harrobi baten hondarrak ikusiko ditugu eta zutarri bat ere bai, Leiren atzamarra deritzaiona. Basotik irtendakoan mendebaldera joko dugu eta ezpelen artean eta harri artean zigi zagak eginaz Arangoiti tontorrera iritsiko gara. Jaitsieran Esako urtegia ikusiko ditugu bere turkesa kolorez margoturik
Ibilbidea: 9 km
Igoera: 690m
Iraupena : 3 ordu, 3 orduera erdi
Zailtasun gabeko ibilbidea
Animatu

Bazkide hori:

Azaroaren 8an, Peruko Andeei lehen begiradak emanaldiaz gozatzeko aukera izango dugu. Ander Bereziartua, Jon Gabirondo, Jon Zerain eta Xuban Zumeta izango ditugu gurekin, eta honela aurkeztu dute bere asmoa:

Udara hasieran Peruko Andeetara egindako bidaia kontatuko dugu, mendiaz, kulturaz eta lagun arteaz gozatu genuena. Altuerara pixkanaka egokituz, Ishinka bailaran lehenengo astindua eman genion gorputzari. Baldintza onak eta gure ametsek bultzatuta, Alpamayu mendi famatua igoz borobildu genuen bidaia.

Emanaldia Pagoeta MEren egoitzan izango da, 19:30ean.

Animatu!

Batzordea

Gaurko ibilbidea Usun (652m.) herrixkan hasiko dugu, Irunberritik gertu dagoen herria da berau

Herriko  sarreran dagoen parkinetik abiatuaz, zalditegi baten ondotik pasako gara, eta Zaraitzu erreka zubitxo batetik igarota berehala izango gara Arbaiun zintzurretik datorren kanaletaren aurrean. Ubide hau 1928 an. izan zen eraikia eta zintzurretik ura, Irunberrira eramateko asmoz, egin zuten.

Gaurkoan, kanaletaren ondoan dagoen xenda estua erabiliko dugu Arbaiungo zintzurrera sartzeko. Arreta handiz ibili beharko dugu, eta gune arriskutsuetan kable baten laguntza edukiko dago arazoetan sar ez gaitezen.

Momentu batetan eskuin aldera gurdibide bat aterako zaigu, eta bera erabiliko dugu Valdelako sakanean  zehar Arbaiungo zintzurretik irtetzeko Biotzari (Biguezal)tik datorren pistarekin bat egin artean igotzeko, Pista honek Arangoitiko (1356m.) tontorrera arte eramango gaitu, pagadi, izei eta pinu gorrien ondotik joanaz

Tontorra ez da batere polita, antenaz josirik bai dago gune hau. Ekialderantz hasiko gara jaisten ezpelen artean, eta ikuspegi ederra edukiko dugu Esako urtegiarenak bere turkesa kolorearekin. Gune batetan hego alderantz hasiko gara eta baso batetan sartuaz Mediterranear kutsuko habitata duen landarediekin topatuko gara, haritzak, ametzak eta, erkametzak izango dira ugarien.  Jaitsiera azkar bat eginaz berehala izango gara Leireko Monastegian.

Berezitasunak:

Arreta handiz ibili beharko dugu kanaletaren zatian

Distantzia.  16 km. inguru

Igoera metatua:  930 m. inguru

Jaitsiera metatua:  630m. inguru

Denbora: 6:40 ordu inguru

Animatu!

Irteera: Agoues biribilgunean, goizeko 7:30etan.