Pagoeta M.E.

Aurten 2 irteera egiñez eta datorren urtean beste bi, Euskal Herria Mendi Erronkaren zirkuitua osatuko dugu.

Euskal Herria Mendi Erronka (EHME) 2014an sortutako luzera handiko mendi lasterketa bat da, 67 kilometroko luzera eta 7200 metroko desnibela duena. Nafarroa Garaiaren ipar-mendebaldean egiten da, Leitzan hasten eta bukatzen da, Araizko, Beteluko, Larraungo eta Lekunberriko mendietatik igarota. 

Ibilbideak ez du zaitasun teknikorik eta  4 zatitan Aralar, Araiz, Betelu eta Larraungo mendi politenak igaroko ditugu. 

Zein izango diren etapak:

Irteera: Agoues biribilgunean, goizeko 7.30etan.

Ohi bezala, Mendizabal kinkila dendan eman dezakezu izena,martxoaren 28ra arte.

Gurekin izango zarelakoan, ondo izan

Animatu!!!

Bazkide hori,

Gipuzkoako kirok egokituen federaziotik ikastaro hau egiteko aukera eskeiñi digute.

Interesatua bazaude jarri gurekin harremanetan pagoetame@gmail.com helbidera email bat bidaliz.

Atxekituta ikastaroari buruzko informazio gehiago.

Animatu!!!

Bazkide hori:

Martxoaren 16an Jaizkibelgo kolore eta paisaiaz gozatzeko parada izango dugu.

Zailtasuna: erraza da eta ez du zailtasun teknikorik

Elkartearen webguneko helbide honetan dituzu mapa eta track-a.

Irteera: Agoues biribilgunean, goizeko 7.30etan.

Ohi bezala, Mendizabal kinkila dendan eman dezakezu izena,martxoaren 14ra arte.

Gurekin izango zarelakoan, ondo izan

Batzordea.

Martxoaren 14an Mont Blanc argazki emanaldia , Fidel Blazquez eta Karlos Larrañagaren eskutik.

Fidel Blazquez eta Karlos Larrañagak 2010en Mont Blanc (4808 m) mendira eginiko igoeraren berri emateko argazkiz eta eta hitzez osatutako ikus entzunezkoa prestatu dute Pagoeta Mendizale Elkartean partekatzeko.

Emanaldia martxoaren 14an, ostiralez izango da, arratsaldeko 19.00etan, Pagoeta Mendizale Elkarteak San Marina kalean duen aretoan.

Fidel eta Karlosekin bidaiatzera gonbidatzen zaitugu.

Batzordea.

Aste Santutako irteerako plazak bete dira.

Pagoeta Mendizale Elkarteak 2025rako prestatu duen irteera-egutegia kontsulta dezakezu dagoeneko.

Atxekituta aste santurako prestatu dugun irteera Bejarko mendietara.

Izena eman eta ordainketa egindakoan onartuko da zerrendan (Plazak: 28)

Datak:   Martxoak 6tik aurrera,  mendi elkartean   ostegunetan 20:00etatik 21:00etara edota gmailez pagoetame@gmail.com

Espero dugu bertan elkar ikustea,

Ondo segi,

Batzordea

Track-ak:

Iguzkitza herritik abiatuko gara, eta, Labeagara iritsi aurreko bidegurutzean, ezkerretara joko dugu. Kanposantuaren ondotik igaro eta PR NA 186 bidetik segituko dugu, San Salvador iturrira iritsi arte. Argi seinalatua dagoen bide batetik igoko gara Deioko gaztelura (860 m). Gailurrera iritsi bezain laster, haitzaren gainean eraikita dagoen dorrea ikusiko dugu. Ikuspegi ederra dugu bertatik, Montejurra ekialdean eta Lokiz ipar-mendebaldean. Gaztelua X. mendekoa da. 908an, Banu Qasi leinuaren eskuetan zegoela, Antso I.a Gartzeitzek konkistatu zuen. Kondairaren arabera, erregea bertan lurperatuta dago. Gaur egun, hareharrizko horma zaharrak eta ur-tanga zaharra
baino ez dira geratzen, ganga-formako sabaia duen etxe baten barruan. Harresien barnean, gerora eraikitako ermita bat dago. Omenaldi-dorrearen hondarrak ere badaude. Aldapa piko batetik jaitsiko gara Villamayor de Monjardin herrira. Donejakue bidearekin bat egin eta Azketa herrira joango gara. Errepidea gurutzatu ondoren, aldapatxo batzuk igo eta La Purisima ermitara helduko gara. Iguzkitza herria izango dugu begien bistan, non gure ibilaldia amaituko dugun.

Distantzia: 14 km

Igotzeko desnibela: 483 m

Denbora: 4-5 ordu

Zailtasuna:  Erreza, eta ez du zailtasun teknikorik

Irteera: Agoues biribilgunean, goizeko 7:30etan. 

Ohi bezala, Mendizabal kinkila-dendan eman dezakezu izena, otsailaren 28ra arte.

Gurekin izango zarelakoan, ondo izan.

Batzordea

Bazkide hori:

Otsailaren 21ean, Elaia errariak, Asia hego-ekialdeko bitakora emanaldia, Nerea Urdangarin eta Zigor Saizarren eskutik

Nerea Urdangarin oriotarrak eta Zigor Saizar getariarrak hamar hilabetetan Asia hego-ekialdeko hamar herrialde zeharkatu zituzten aurreko ikasturtean. Vietnamgo hiriburuan, Hanoin, hasi zuten bidaia eta 22.000 km egin ondoren, Japoniako hiriburuan, Tokion, amaitu zuten.

Bidaia honetan izandako bizi-esperientziekin, Asiako jendearengandik ikasitako kultura, historia eta sinesmenekin, eta batik bat bidaian sentitutako emozioekin, bidaiariek argazkiz eta hitzez osatutako ikus-entzunezkoa prestatu dute Pagoeta Mendizale Elkartean partekatzeko.

Emanaldia otsailaren 21ean izango da, ostiralarekin, arratsaldeko 19:00etan, Pagoeta Mendizale Elkarteak Santa Marina kalean duen aretoan.

Nerea eta Zigorrekin bidaiatzera gonbidatzen zaitugu.

Batzordea

Bazkide hori:

Otsailaren 22rako, goiz-buelta bat egitea eta ondoren sagardotegian bazkaltzea zegoen programatuta gure egutegian. Hala ere, batzordeak, zenbait sagardotegitan eskaini dizkiguten prezioak eta baldintzak aztertu eta gero, erabaki du plana aldatzea eta jatetxe batean antolatzea bazkaria. Beraz, hau da proposatzen dizuguna:

• Goiz-buelta: Usurbila trenez joango gara, eta handik oinez Oriora. Ibilbidea zehazteko dago, eguraldiaren arabera. Irteera: tren-geltokitik 9:08an orduan ateratzen den trena hartuko dugu. Ibilaldia bukatutakoan arropa aldatu nahi baduzu, 8:50etik aurrera izango duzu aldatzeko arroparen poltsa uzteko aukera, autoz Oriora eraman dezagun.
• Bazkaria: Orioko Antilla jatetxea.
• Izena ematea: Mendizabal kinkila-dendan, otsailaren 11tik 18ra. Izena ematean, 30 euroko seinalea utzi beharko duzu.

Plan berria gustukoa izango duzulakoan, 22an elkar ikusiko dugu!

Batzordea

Albizturko plazatik abiatuta, ibilaldiaren parte handiena PR GI 81 ibilbidetik egingo dugu. Abiatu eta gutxira, Atxesaeta baserriaren ondoko iturritik pasatuko gara. Basoan gora segituko dugu, eta, Txorrostegi baserria atzean utzita, Ortzabal ingurura iritsiko gara. Handik gertu, Aizkorri Txiki bailarako bidearekin bat egingo dugu. PR GI 81 utzi eta ezkerretara egingo dugu, Arrozpide Berriko bordaraino joan, eta han pista utzi eta eskuinera joko dugu, Herniozabalerainoko igoera hasteko. Lehenik, Uraizko puntaren eta Herniozabalen arteko lepora igoko gara, eta handik eskuineko ertzetik jarraitu gailurreraino (1.011 m). Jaisten hasi eta gutxira, Lizarbakarratik igaroko gara, Urkizuko bidea alde batera utzi eta berriz ere Aizkorri Txiki bailarako bidera iritsiko gara. Mendikutera joateko, bidea gurutzatu behar dugu, eta pinudi batean barrena segitu. Igoeraren azken zatia karstikoa da, ibiltzeko deserosoa, baina zailtasunik gabea. Mendikuteren gainaldean (861 m), Erdi Aroko gaztelu baten hondakinak daude. Koldo Mitxelenaren arabera, Mendikute izena latinezko Mons acutum delakotik dator. Gaztelutik gertu, Aralartik zetorren galtzada baten aztarnak daude; dirudienez, Zarautz eta Donostia ingururainoko lotura egiten zuen. Hala ere, ez dago argi zein zen gazteluaren funtzioa, aztarna eta iturri urriak baitira. Hiru.eus webguneko helbide honetan eta Wikipedian dago gazteluaren inguruko informazio zehatzagoa. Aizkorri Txiki bailarako bidera itzuliko gara, eta PR GI 81 bidetik jaisten jarraituko dugu, Albizturrera itzuli arte.
Distantzia: 12,9 km
Desnibela: 816 m
Iraupena: 3-4 ordu
Zailtasuna: erraza
Irteera: Agoues biribilgunean, goizeko 7:30an.

Bazkide hori:

Urtarrilaren 26rako, Nafarroako Oderitz herriaren inguruko ibilaldia antolatu dugu. Bidean, Egar 1 eta 2 kobazuloetan sartzeko aukera izango dugu. Benetan merezi du horiek ezagutzea. Beraz, ez ahaztu zure frontala! Laster izango duzu informazio zehatzagoa gure webgunean.

Distantzia: 11 km

Igoera/ jaitsiera metatuak: 350 m

Denbora: 4 ordu inguru

Irteera: Aigoues biribilgunea, 7:30

Izen-ematea: Mendizabal kinkila-dendan, urtarrilaren 20tik 24ra.

Egun horretan gurekin izango zarelakoan,

Batzordea