IRAILAK 20: Gorbeialdera irteera

PAGOMAKURRE-ATXULAUR ATEA-SUPELEGOR-ARKUATXA-LEXARDI– KARGALEKU– NEBERABARRI–GOROSTETA– ARRABA– PAGOMAKURRE

Ibilbidea malkartsua da (arroka artean ia hasieratik) baina merezi du. Lehendabizi Atxulaur atea izango dugu helburu eta bitarte-ko Mariren erresuman sartzeko. Ondoren, Supelegor kobazulora joango gara (Mariren egoitza), ondoren Arkoatxa deritzonetik pasatu eta harkaitz artean “galtzeko”. Tarte baten ondoren Lexardira iritsiko gara (artzain etxola, patina eta abar…) Aurrera egin da, Arrabarako bidea hartuko dugu Kargaleku deritzon lekuraino eta han, eskuin egin eta Altipitax alderako bidea hartuta ezker hartuko dugu Neberabarrira igotzeko. Ondoren, aurrera, Itxinatik irten eta Ipergorta inguruetan, Gorosteta tontorraren magalera iritsiko gara (aukeran), handik xuabe-xuabe Arrabara jaisteko. Arrabako aterpean bazkaldu ostean Pagomakurrera joko dugu eta Areatzara jaitsiko gara.

Udazkenean berriz abian!

Bazkide hori:
Martxoaz geroztiko mezuak elkartearen jarduerak bertan behera utzi beharraz informatzeko izan dira, eta bazen garaia bestelako berri onak emateko. Horrexetara gatozkizu bada, jakinaraztera COVID-19ak eragindako egoerak galarazten ez badu egutegian programatutako irailetik aurrerako irteerak egiteko asmoa dugula.
Horren arabera, hurrengo irteera irailaren 20an genuke, egun osokoa litzateke, eta Gorbeiara igotzea genuke helburutzat. Ohi bezala, aurrerago bidaliko dizugu informazio zehatzagoa.
Gainera, maiatzean bertan behera utzi genituen  MendiTour proiekzioak urrian egitea adostu dugu antolatzaileekin, urriaren 1ean eta 8an zehazki. Laster izango duzue informazio zehatza elkartearen webgunean.
Laster berriz elkar ikusteko aukera izango dugulakoan, ondo-ondo izan.
Batzordea

Ostegunetan elkartearen egoitza irekita federatu-txartela jasotzeko

Bazkide hori:

Datorren ostegunean, maiatzak 21, 20:00etatik 20:30era, elkarteren egoitza irekita egongo da, federatu-txartela behar dutenek jasotzeko aukera izan dezaten.

Esan gabe doa, indarrean dauden segurtasun-neurriak bete beharko dira; beraz, 2 m-ko distantzia mantentzea eta maskara erabiltzea gomendatzen da.

Aurrerantzean ere, elkartearen egoitza ostegunetan irekiko da, ohi bezala, 20:00etatik 21:00etara . Beraz, hurrengo asteetan egongo da federatu-txartela jasotzera etortzea.

Ondo izan,

Batzordea